إقترب لا تنتظر ..

وش يفيد الحب وإحساسه ضياع 

ما بين قسوة ناس وأعذار وقدر 

لو يعرف القلب ؛ مصيره إلتياع 

م كان حبّ بصدق ومنّه إنكسر 

وش تفيد العزّه ، ومن اللّهفه جياع

هات بوحك ، صب إحساسك مطر 

إروي قفار الشّوق وعيش الإنصياع

إترك سواياك و توب ، بس لا تستخر

حبّ بعقل ، وبكل طيش وإندفاع

م ينفع الخوف لا صرت منّه تحتضر

وش يفيد الصّمت ؛ خلّك شجاع 

اسبق أشواقك وصل ، إقترب ؛ لاتنتظر

الحب يذبل بالهجر ، والرّوح تبغى إستماع

لصوتك اللّي لا أتى ، يضوي فعمري بدر

 وينبت فقلبي شجر ، يزهر بليّا شعاع 

لأنّك الدّفءَ المُراد  ، وانت نوره والقمر